..... يا خفوقي لك الله .....
.
يا خفوقي لك الله غاب طيف الوصل
ضاعت أيام عمري جيت يمك دخيل
.
والسعد هب كيفه دام فيها امل
ذاكر(ن)كل لحظه من حياة الاصيل
.
قبل اشوفك غناتي كان عمري ملل
لين شفتك بقلبي كل شي(ن)جميل
.
زانت ايام عمري يوم حبك وصل
ينتشيني حنانك شي ما له مثيل
.
يا زمان المحبه ذاب كنه العسل
سطر الكيف شوقه وانتخى للرحيل
.
يا ريام الصحاري من عملي عمل
ساكن(ن)وسط جوفي صار كنه عميل
.
بعدها نبض قلبي في لحونه كمل
كل غصن (ن) تدلى باتجاهه يميل
.
دقت اجراس نبضي يوم كلي استحل
مسكنه في خفوقي صار عندي نزيل
.
لكن ..اليوم.. قفى وابتعد وارتحل
تارك (ن) دم قلبي بالمحاني يسيل
.
يا إلهي..... طلبتك لا يموت الامل
إنت ربي وتشفي كل قلب(ن)عليل
.
....أﻷصيل....
ليست هناك تعليقات:
إرسال تعليق